जळगाव – स्थानिक महिला बचत गट आणि उद्योजकांना प्रोत्साहन देण्यासाठी जळगाव येथे २६ फेब्रुवारी ते २ मार्च दरम्यान सागर पार्क येथे ‘खान्देश महोत्सव २०२६’ आयोजित करण्यात आला आहे. या महोत्सवाचे उद्घाटन पालकमंत्री गुलाबराव पाटील यांच्या हस्ते होणार आहे.
या महोत्सवात तब्बल १८० स्टॉल्स उभारण्यात आले असून खान्देशी खाद्यपदार्थ, पारंपरिक हस्तकला वस्तू तसेच विविध सांस्कृतिक कार्यक्रमांची रेलचेल पाहायला मिळणार आहे. स्थानिक बचत गटांनी तयार केलेल्या उत्पादनांना या माध्यमातून मोठी बाजारपेठ उपलब्ध होणार आहे.
महापौर दीपमाला काळे यांनी नागरिकांनी कुटुंबासह महोत्सवाला भेट देऊन स्थानिक बचत गटांना खरेदीद्वारे प्रोत्साहन द्यावे, असे आवाहन केले आहे. खान्देशच्या संस्कृती, परंपरा आणि चवींचा संगम असलेला हा महोत्सव नागरिकांसाठी खास आकर्षण ठरणार आहे
