जळगाव – दिनांक ८ मे रोजी जागतिक थॅलेसेमिया दिवस असल्याने या आजारा बाबत लोकांमध्ये जागरूकता निर्माण व्हावी यासाठी गुरुवार दिनाक ८ मे रोजी जागतिक थॅलेसेमिया दिनानिमित्ता राजेश्री श्री छत्रपती शाहू महाराज हॉस्पिटल जळगाव येथे जळगाव डिस्टिक पेडियाट्रिक डॉक्टर असोसिएशन यांचे संयुक्त विद्यमाने थॅलेसेमिया बाबत माहिती देण्यात येईल.
थॅलेसेमिया हा रक्ताशी संबधित एक गंभीर आजार असून या आजारात व्यक्तीच्या शरीरात हिमोग्लोबिन तयार होणे थांबते. हा आजार पालकांकडून मुलांमध्ये पसरतो. हा आजार अतिशय धोकादायक असल्याने वेळीच उपचार न केल्यास रुग्णाचा मृत्यूही होऊ शकतो तसेच हिमोग्लोबिनच्या कमतरतेमुळे हा आजार होतो. या आजारा बाबत लोकांमध्ये माहिती व्हावी या उद्देशाने गुरुवार दिनाक ८ मे रोजी जागतिक थॅलेसेमिया दिनानिमित्ता राजेश्री श्री छत्रपती शाहू महाराज हॉस्पिटल जळगाव येथे थॅलेसेमिया रुग्णासाठी मोफत आरोग्य तपासणी शिबिराचे आयोजन करण्यात आले आहे.
तसेच पुढील उपचाराची गरज भासल्यास महात्मा जोतिबा फुले जन आरोग्य योजने अंतर्गत पात्र रुग्णावर मोफत उपचार ही करण्यात येईल. शिबिराची वेळ सकाळी १० ते दुपारी ०२ पर्यंत असेल.
उपचारासाठी तज्ज्ञ डॉक्टरचे मार्गदर्शन लाभणार आहे. तरी शिबिराचा लाभ घ्यावा असे आवाहन व्यवस्थापना तर्फे करण्यात आले आहे. तरी रुग्णांनी आपल्या आजार विषयी ची कागदपत्रे (फाईल) आणणे गरजेचे आहे .
