जळगाव – केशवस्मृती प्रतिष्ठान संचलित समतोल प्रकल्पद्वारा जळगाव रेल्वे स्टेशन येथे जागतिक बालकामगार विरोधी दिन साजरा करण्यात आला.
दि. १२ जून हा दिवस देशात सर्वत्र बालकामगार विरोधी दिन म्हणून साजरा केला जातो.
रेल्वे स्टेशनवर बालकामगार निषेधवर जनजागृती व्हावी या उद्देशाने जळगाव रेल्वे स्टेशन येथे समतोल प्रकल्पा तर्फे बालकामगार निषेध दिन साजरा करण्यात आला. यावेळी प्रवाशांना समतोल प्रकल्पाची माहिती देऊन बालकामगार विरोधात माहिती पत्रकाचे वाटप करण्यात आले व रेल्वे स्टेशन परिसरात राहणाऱ्या मुलांना खाऊ वाटप करण्यात आला.
यावेळेस जळगाव रेल्वे स्टेशन परिसरातील शाळा बाह्य मुलांचा सर्व्हे करून त्याबालकांना व त्यांच्या पालकांना कार्यक्रमात बोलवून त्या पालकांना शिक्षणाचे महत्व पटवत मुलांचे नाव शाळेत टाकावे यासाठी पालकांना प्रोत्साहित केले . कार्यक्रमात रेल्वे सुरक्षा बलाचे पी.एस.आय मोहित कुमार, रेल्वे पोलीस कर्मचारी भूषण पाटील, राजेश कांबळे रेल्वे स्टेशनवर काम करणारे वेंडर, प्रवासी व पालक उपस्थित होते. यावेळी समतोल प्रकल्पाचे प्रदिप पाटील , विश्वजित सपकाळे , रविना भगत यांनी कार्यक्रम यशस्वी करण्यासाठी परिश्रम घेतले .
