जळगाव – जळगाव रेल्वेस्थानकावर रेल्वेत चढताना महिलेचा पाय निसटला होता मात्र प्रसंगावधान राखत या महिलेला पोलीस हवालदार दिनेश विश्वनाथ बडगुजर या कर्मचाऱ्याने जीवदान दिले आहे. त्यामुळे पोलीस अधीक्षक डॉ प्रवीण मुंढे यांनी त्यांच्या सत्कार केला.
जळगाव रेल्वेस्थानकावर १५ फेब्रुवारी रोजी सायंकाळी महाराष्ट्र एक्सप्रेसमध्ये चढताना सुनिता पांडूरंग बेडीस (वय-५०) रा.चाळीसगाव ही महिलेचा पाय घसरला. याचवेळी महिला रेल्वे आणि प्लॅटफार्मच्यामध्ये पडत असताना दिनेश बडगुजर या पोलीस कर्मचाऱ्याने प्रसंगावधान राखत तिचा जीव वाचवला. दिनेश बडगुजर हे जळगाव जिल्हा पोलिस दलात जिल्हा विशेष शाखेतील हवालदार म्हणुन कार्यरत आहे. या कार्याबद्दल त्यांचा पोलीस अधीक्षक डॉ प्रवीण मुंढे यांनी सत्कार केला.