जळगाव, प्रतिनिधी । मंडळ भाग हातेडमधील अनवर्दे खु या गावी अमृतमहोत्सवी वर्षानिमित्त मोफत डिजिटल स्वाक्षरी सातबारा घरपोच वाटपाचा शुभारंभ करण्यात आला आहे.
यावेळी आर आर महाजन मंडळ अधिकारी हातेड गजानन पाटील, तलाठी अनवर्दे खु आशिष निचित, तलाठी हातेड बु याचबरोबर तालुक्यातील इतर सर्व तलाठी व मंडळ अधिकारी यांनी मोफत 7/12 वाटपास शुभारंभ केला आहे. पेसा तलाठी अमिन तडवी यांनी देखील पाडा व वस्त्यांवर जावुन घरपोच सातबारा वितरीत केले. हातेड भाग,गोरगावले भाग, धानोरा भाग, अडावद भाग,लासुर व चोपडा भागातील सर्व तलाठी व मंडळ अधिकारी यांनी अमृतमहोत्सवी वर्षानिमित्त मोफत 7/12 वितरण केले व त्याचबरोबर इतर महसुली योजनांची माहिती तसेच ई पिकपाहणी व ई पिकपाहणी न झालेल्या खातेदारांच्या यादीचे वाचन करण्यात आली, याबाबत माहिती देण्यात आली.
डिजिटल स्वाक्षरित 7/12 ची सुधारित प्रत (फक्त एकदाच) सर्व खातेदारांना मोफत पुरविण्यात येणार आहे.सध्या या अनुषंगाने 7/12 pdf जनरेशन चे कामदेखील तलाठी मंडळ अधिकारी यांच्यामार्फत करण्यात येत असुन लवकरच सुधारित 7/12 ची मोफत प्रत प्रत्येक खातेदारापर्यंत तलाठी मार्फत घरपोच मिळणार आहे.
