जळगाव प्रतिनिधी । विवाहितेला नवीन मोटारसायकल घेण्यासाठी पैसे आण, यासाठी पतीसह सासु सासऱ्यांनी छळ केल्याप्रकरणी शनिपेठ पोलीस स्थानकात तक्रार दाखल केली आहे.
शनिपेठ भागातील गुरुनानक नगर परिसरात राहणारी भारती विजय लोट (वय – २५) यांचा विवाह अमळनेर येथील विजय सुरेश लोटे यांच्याशी झाला होता. माहेरुन मोटासायकल घेण्यासाठी पैसे आणावे म्हणून पती विजय लोटे यांनी शारिरीक व मानसिक छळ सुरू केला, तसेच, सासरच्या मंडळींकडून त्यांना मारहाणीस प्रोत्साहीत करुन टोमणे मारण्यात येत होते. सतत होणारी मारहाण असह्य झाल्याने विवाहिता माहेरी जळगाव येथे निघून आल्या. विवाहिता भारती यांच्या तक्रारीवरुन पती विजय लोटे, सासू-मंगलाबाई सुरेश लोटे आणि सासरे-सुरेश लोटे यांच्याविरुद्ध शनीपेठ पोलीस स्थानकात तक्रार दाखल करण्यात आली आहे. पुढील तपास पोना रविंद्र पाटिल करीत आहेत.
