बांबरुड, ता. पाचोरा – शेतकऱ्यांचे कौशल्य विकसित करण्यासाठी कृषी तंत्रज्ञान व्यवस्थापन यंत्रणा (आत्मा) अंतर्गत मोसंबी व लिंबू पिकांची छाटणी , प्रतवारी, जमीन निवड व माती परीक्षण आशा विविध विषयांवर चर्चा करण्यात आली. सदर प्रशिक्षण बांबरुड (राणीचे) येथील प्रगतशील युवा शेतकरी मयुर वाघ यांच्या शेतात पार पडले.
कार्यक्रमाचे अध्यक्ष श्री.ललित वाघ (प.समिती सदस्य), प्रमुख पाहुणे म्हणून शास्त्रज्ञ श्री.आर.एस.महाजन(प्राचार्य, कृषी पिलखोड) व प्रगतशील शेतकरी श्री.तुकाराम पाटील (देवळी), तालुका कृषी अधिकारी श्री.ए.व्ही.जाधव यांनी सखोल व कृषी विभागाच्या विविध योजना संदर्भात माहिती दिली.
तसेच तालुका तंत्रज्ञान व्यवस्थापक श्री.सचिन भैरव यांनी सूत्रसंचालन व मयूर वाघ यांनी आभार प्रदर्शन केले. त्याचबरोबर कृषि मंडळ अधिकारी श्री.के.एन.घोंगडे व बांबरुड , कुरंगी, सामनेर , नांद्रा परिसरातील शेतकरी वर्ग मोठ्या संख्येने उपस्थित होते. शेतकऱ्यांनी कार्यक्रमाबद्दल समाधान व्यक्त केले.
