जळगाव प्रतिनिधी । जळगावातील अजिंठा रोडवरील सुप्रीम कॉलनीमध्ये राहणाऱ्या चालकाची मालवाहू गाडीची चोरी झाल्याची घटना ९ जानेवारी रोजी सायंकाळच्या सुमारास घडली. याप्रकरणी अज्ञात चोरट्यांविरुद्ध गुन्हा दाखल करण्यात आला आहे.
मालवाहू गाडी चालकाचे नाव मनोहर ज्ञानदेव पवार (वय-३८) रा. त्रिमुर्ती नगर, सुप्रिम कॉलनी हे खासगी आहे. त्यांच्याकडे स्वत:च्या मालकीचे मालवाहू (एमएच १९ बीएम ०२४४) क्रमांकाची चारचाकी गाडी आहे. मिळेल ते भाड्याने माल वाहण्याचे काम करतात. ९ जानेवारी रोजी सायंकाळी ७ वाजता शहरातील अजिठा चौफुलीजवळील सुरभी लॉनजवळ त्यांनी मालवाहू गाडी पार्किंगला लावली व कामाच्या निमित्ताने बाहेर गेले होते. रात्री ११.३० वाजेच्या सुमारास ते परत आले असता त्यांना मालवाहू गाडी दिसून आली नाही.
संपुर्ण परिसर शोधूनही वाहन मिळाले नाही. चालक मनोहर पवार यांच्या फिर्यादीवरून एमआयडीसी पोलीस ठाण्यात अज्ञात चोरट्यांविरूध्द गुन्हा दाखल केला आहे. या गुन्ह्याचा पुढील तपास पोहेकॉ गफ्फार तडवी करीत आहे.
