जळगाव प्रतिनिधी । जळगावातील तांबापुर परिसरात बिस्मिल्ला चौकात रात्रीच्या सुमारास अज्ञात चोरट्यांनी चोरी केल्याची घटना सोमवारी सकाळच्या सुमारास घडली. याप्रकरणी एमआयडीसी पोलीस स्थानकात अज्ञात चोरट्यांविरुद्ध गुन्हा दाखल करण्यात आला आहे.
तांबापूर भागातील बिस्मिल्ला चौकातील रहिवाशी मोहसीन शेख सलीम (वय-२४) हे आपल्या कुटुंबियासह राहतात. त्यांचे दुमजली इमारत आहे. १० जानेवारी रोजी रात्री १० वाजता घरातील कुटुंबिय जेवण करून खालच्या घरात झोपले. अज्ञात चोरट्यांनी वरच्या घरात शिरून घरात ठेवलेले २५ हजार रूपयांची रोकड आणि हॅन्ड बॅग, केबलचे बुक चोरून नेल्याचे ११ जानेवारी रोजी पहाटे ४ वाजेच्या सुमारास उघडकीला आले.
याप्रकरणी सोमवारी रात्री उशीरा पर्यंत पोलीसात नोंद नव्हती. मोहसीन शेख सलीम यांच्या फिर्यादीवरून ११ जानेवारी रोजी रात्री ११.३० वाजता अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस नाईक ईम्रान सैय्यद करीत आहे
