जळगाव प्रतिनिधी । भादली गावात राहणाऱ्या २३ वर्षीय तरुणीने राहत्या घरी गळफास घेऊन आत्महत्या केली. गुरुवारी दुपारी १२ वाजेच्या सुमारास ही घटना घडली. या घटनेमागचे कारण स्पष्ट झालेले नाही.
खुशबु गोपाळ चौधरी (वय २३) असे मृत तरुणीचे आहे. खुशबु ही चौधरी दाम्पत्याची एकुलती एक मुलगी होती. गुरुवारी भादली गावातच एका लग्नसमारंभाच्या ठीकाणी तीची आई गेली होती. तर वडील शेतात गेले होते. यावेळी घरात एकट्या असलेल्या असलेल्या खुशबुने गळफास घेऊन आत्महत्या केली.
ही बाब शेजाऱ्यांच्या लक्षात आल्यानंतर त्यांनी खुशबुला वाचवण्यासाठी प्रयत्न केले. खासगी चारचाकीने तीला शासकीय वैद्यकीय महाविद्यालय व रुग्णालयात दाखल केले. वैद्यकीय अधिकारी डॉ. िवजय कुरकुरे यांनी तपासणी करुन तीला मृत घोषित केलेे. खुशबु चौधरी दाम्पत्याची एकुलती एक मुलगी होती. या घटनेमुळे तीच्या कुटंुबियांना प्रचड धक्का बसला. रुग्णालयात कुटंुबिय, नातेवाईकांनी प्रचंड आक्रोश केला. खुशबुने आत्महत्या का केली याची कारण स्पष्ट झालेले नाही. या प्रकरणी नशिराबाद पोलिस ठाण्यात अकस्मात मृत्यूची नोंद करण्यात आली आहे.
