जळगाव प्रतिनिधी । तालुक्यातील कानळदा येथे किरकोळ कारणाने आईसह मुलाला बेदम मारहाण करण्यात आली. हि घटना शुक्रवारी सायंकाळी ७ वाजेच्या सुमारास घडली. याप्रकरणी तालुका पोलीस स्थानकात चौधांविरुद्ध गुन्हा दाखल करण्यात आला आहे.
सविस्तर माहिती अशी की, तालुक्यातील कानळदा येथे रजीया मजीद पिंजारी (वय-४५) व मुलगा फारूखसह राहतात. शुक्रवार ४ डिसेंबर रोजी सायंकाळी ७ वाजता मुलगा फारूख पिंजारी यांने गावातील रविंद्र पुरूषोत्तम उर्फ लिलाधर सपकाळे हा खून्नसने पाहत होता.
माझ्याकडे खुन्नसने का बघतो असा जाब फारूखने विचारल्याने रविंद्रला राग आला. रविंद्र सपकाळे यांच्यासह पुरूषोत्तम बुधो सपकाळे, अंजनाबाई पुरूषोत्तम सपकाळे आणि नरेंद्र पुरूषोत्तम सपकाळे सर्व रा. कानळदा ता.जि.जळगाव यांनी शिविगाळ करून मारहाण करण्यास सुरूवात केली. तर नरेंद्र सपकाळे यांना लोखंडी आसारीने फारूखच्या डोक्यात हाणली.
यात फारूख गंभीर जखमी झाला. हा प्रकार सुरू असतांना रजीया पिंजारी आवराआवर करण्यासाठी गेले असता त्यांनी चौघांनी बेदम मारहाण केली व जीवे ठार मारण्याची धमकी दिली. रजीया पिंजारी यांच्या फिर्यादीवरून तालुका पोलीसात चौघांविरोधात गुन्हा दाखल करण्यात आला आहे. या गुन्ह्यात अद्याप कुणालाही अटक करण्यात आलेली नाही. पुढील तपास पोलीस उपनिरीक्षक कदीर तडवी करीत आहे.
