नवी दिल्ली : चीनी स्मार्टफोन निर्माता आणि जिओ एकत्र येऊन देशात ३ हजार ते ४ हजार रुपयांदरम्यान स्मार्टफोन बाजारात आणणार आहेत. हे हँडसेट अद्याप भारतीय बाजारात बाजारात दाखल झालेले नाहीत. जिओ सध्या जियोफोन सिरिजसाठी फ्लेक्सबरोबरही काम करत आहे आणि आता गुगलची भागीदारीत कमी किमतीच ४ जी स्मार्टफोन जिओ बाजारात आणणार आहे.
रिलायन्स जिओ आपले ४ जी फीचर फोन वापरकर्त्यांसाठी स्मार्टफोनमध्ये स्थानांतरित करण्याची तयारी करत आहे. तसेच व्होडाफोन आयडिया आणि भारती एअरटेल सारख्या कंपन्यांचे २ जी वापरकर्त्यांकडेही जिओला आपल्याकडे आकर्षित करायचे आहे. दूरसंचार कंपनी लवकरच देशातील स्मार्टफोन निर्माता कंपनी विवोच्या भागीदारीत जिओ एक्सक्लुझिव्ह स्मार्टफोन बाजारात आणणार आहे. आपल्या स्मार्टफोनबरोबरच ओटीटी प्लॅटफॉर्म फ्री एक्सेस, डिस्काउंट, वन-टाइम स्क्रीन रिप्लेसमेंट, शॉपिंग बेनिफिट्स यासारख्या ऑफरदेखील देईल.
रिलायन्स जिओ कार्बन, लावा आणि काही चिनी ब्रँडसारख्या स्थानिक उत्पादकांशीही चर्चा करीत आहे. ८,००० रुपये किंवा त्यापेक्षा कमी किंमतीत स्मार्टफोन आणण्याचे कंपनीचे लक्ष्य आहे. विश्लेषकांच्या मते जिओ सध्या करत असलेल्या काही घोषणांमुळे कंपनीला एकूण ग्राहक वाढविण्यात मदत होईल. देशात ३५० दशलक्षहून अधिक फीचर फोन वापरकर्ते आहेत आणि ही संख्या प्रचंड आहे. म्हणूनच कमी किंमतीचे स्मार्टफोन लॉन्च करून जिओकडे ग्राहक वाढवण्याची मोठी संधी आहे.
