जळगाव – शिवाजी नगरात राहणाऱ्या शेतकऱ्याची १ लाख ३० हजारात फसवणूक केल्याचा प्रकार उघडकीस आला आहे. याप्रकरणी शहर पोलीस ठाण्यात एकावर गुन्हा नोंदविण्यात आला आहे.
अशोक विश्वनाथ बारसे (वय-५० रा. बारसे कॉलनी, स्मशानभूमीजवळ शिवाजी नगर) यांना शेतीच्या कामासाठी ट्रक्टरची आवश्यकता असल्याने त्यांचा मित्र धनराज भगवान करे (रा. जळका ता.जि.जळगाव) यांच्या ओलक्स ॲपवर दाखविलेल्या ट्रक्टर अशोकसिंग गुजर यांचे असल्याचे समजले. दोघांनी नंतर ओएलएक्सच्या साईटवर जावून त्यांची संपुर्ण माहिती संकलीत केली. अशोक सिंग गुर्जर नावाच्या व्यक्तीच्या मोबाईलवर संपर्क करुन बोलणी झाली.
त्यानुसार अर्धी रक्कम अगोदर दिल्यावर ट्रॅक्टर देतो, त्याच दिवशी उर्वरीत रक्कम द्यावी असे तोंडी बोलणीत ठरले होते. त्यानुसार बारसे यांनी १६ नोव्हेंबरला व लगेच दुसऱ्या दिवशी १७ नाहेंबरला नरेश कुमार यांचे कॅनरा बँक खात्यावर आणि हनुमंत गायकवाड यांच्या खात्यावर दानाबाजार शाखेच्या स्टेट बँकेतून ऑनलाईन पद्धतीने १ लाख ३० हजार रुपये वर्ग केले.
बोलणी झाल्यानंतरही अशोक सिंग नावाच्या व्यक्तीने ट्रॅक्टर देण्यास नकार देत, उडवा उडवीची उत्तरे देत टाळून लावले.यावेळी फसवणुक झाल्याचे निष्पन्न होताच अशोक सींग गुर्जरच्या विरोधात शहर पेालिस ठाण्यात गुन्ह्याची नोंद करण्यात आली आहे. याप्रकरणी पुढील तपास स.पो.नि. भिमराव नांदुरकर करीत आहे.
