जळगाव – शहरात कांचननगर परिसरात सलग आत्महत्या झाल्याची घटना उघडकीस आली आहे. कांचननगरातील रहिवासी प्रमोद शेटे याने देखील पत्नीच्या मृत्यूनंतर आज सकाळी रेल्वेखाली आत्महत्या केल्याने खळबळ उडाली आहे. तर याच परिसरात राहणाऱ्या २१ वर्षीय तरुणाने रात्री घरात कोणीही नसताना गळफास घेऊन आत्महत्या केल्याचे उघडकीस आले आहे. याप्रकरणी शनिपेठ पोलीस ठाण्यात अकस्मात मृत्यूची नोंद करण्यात आली आहे.
राहुल राजेंद्र जाधव (वय २१, रा- कांचननगर) हा आपल्या आई-वडिलांसह वास्तव्याला आहे. सोमवारी भाऊबीजेच्या दिवशी रात्री साडेदहा वाजता आई-वडील जेवण करून घराबाहेरील ओट्यावर बसले असतांना राहुलने मागच्या घरात जाऊन गळफास घेऊन आत्महत्या केली.
नेमके आत्महत्या करण्याचे कारण कळू शकले नाही. मुलाने गळफास घेतल्याचे पाहून आईवडील यांनी हंबरडा फोडला. मयत राहुल हा एका रगडा दुकानावर कामाला होता, आईवडील मोलमजुरी करून उदरनिर्वाह करतात. त्याचा पश्चात आई वडील आणि विवाहित बहीण आहे.
