जळगाव – इकरा शिक्षण संस्था संचालित इकरा शाहीन उर्दू हाईस्कूल येथे राष्ट्रीय विज्ञान दिन जनाब इरफान सालार यांच्या अध्यक्षतेखाली उत्साहात साजरा करण्यात आला. कार्यक्रमात विद्यार्थ्यांनी मोठ्या उत्साहाने सहभाग नोंदवत विज्ञानाविषयीची आपली आवड व कौशल्ये सादर केली. या प्रसंगी विद्यार्थिनी नमीरा शाह हिने भारताचे महान शास्त्रज्ञ सी. व्ही. रमण यांचा आकर्षक वेश परिधान करून सर्वांचे लक्ष वेधून घेतले. विद्यार्थ्यांनी विज्ञान विषयावर प्रभावी भाषणे सादर केली तसेच विविध वैज्ञानिक तत्त्वांवर आधारित कार्यरत मॉडेल्सचे प्रदर्शन केले.
कार्यक्रमाचे विशेष आकर्षण ‘मॅजिकल शो’ ठरले. विद्यालयाचे प्राचार्य रियाज शाह सर यांनी विज्ञानाशी संबंधित रंजक मॉडेल्स सादर करून विद्यार्थ्यांमध्ये विज्ञानाबद्दलची आवड अधिक वृद्धिंगत केली. या कार्यक्रमाचे सूत्रसंचालन काशिफ अंजुम सर यांनी केले. प्रमुख पाहुणे म्हणून काजी जमीर अशरफ, जाकिर बशीर, अतीक अहमद सर, मुमताज , यास्मीन, जावेद , मोहसिन ,जीशान आणि फरहान शेख उपस्थित होते. या यशस्वी आयोजनाबद्दल संस्थेचे अध्यक्ष अब्दुल करीम सालार , सचिव एजाज मलिक, अब्दुल रशीद शेख तसेच प्रो. जफर शेख आणि तारिक शेख यांनी शुभेच्छा देत विद्यालय परिवाराचे कौतुक केले. कार्यक्रमाचा समारोप आभार प्रदर्शनाने करण्यात आला.
