जळगाव प्रतिनिधी – निवडणुकीच्या पार्श्वभूमीवर शहरातील राजकीय वातावरण तापू लागले असून प्रभाग ७ ‘ड’ मध्ये प्रचाराला वेग आला आहे. भारतीय जनता पक्षाचे अधिकृत उमेदवार चंद्रशेखर अत्तरदे यांच्या प्रचारार्थ आज सकाळी भव्य प्रचारफेरीचे आयोजन करण्यात आले. गणेश कॉलनीसह परिसरातील विविध भागांत नागरिकांनी या फेरीला उत्स्फूर्त प्रतिसाद दिला.
प्रचारादरम्यान उमेदवारांनी घराघरांत जाऊन मतदारांशी थेट संवाद साधत त्यांच्या समस्या व अपेक्षा जाणून घेतल्या. या प्रचारफेरीत प्रभाग ७ मधील भाजपचे उमेदवार दीपमाला काळे, अंकिता पाटील, विशाल भोळे आणि चंद्रशेखर अत्तरदे यांच्यासह चेतन तिवारी, मयूर भोळे आदी कार्यकर्ते मोठ्या संख्येने सहभागी झाले होते.
रॅलीदरम्यान तरुणांचा उत्साह विशेष लक्षवेधी ठरला. ठिकठिकाणी नागरिकांनी उमेदवार चंद्रशेखर अत्तरदे यांचे औक्षण करत फुलांनी स्वागत केले. प्रभागाचा सर्वांगीण विकास, प्रलंबित प्रश्नांचे निराकरण आणि मजबूत प्रशासनासाठी भाजपला कौल द्यावा, असे आवाहन यावेळी उमेदवारांकडून करण्यात आले
