जळगाव – प्रदेश तेली महासंघाच्या नाशिक विभागीय युवक अध्यक्षपदी प्रशांत सुरेश सुरळकर यांची निवड करण्यात आली आहे. नंदुरबार येथे नुकत्याच पार पडलेल्या महासंघाच्या महत्त्वपूर्ण बैठकीत प्रदेशाध्यक्ष विजय चौधरी यांच्या अध्यक्षतेखाली ही घोषणा करण्यात आली.
प्रशांत सुरळकर यांच्या सामाजिक कार्याची दखल घेऊन त्यांची नाशिक विभागीय युवक अध्यक्षपदी नियुक्ती करण्यात आली असून या निवडीमुळे समाजातील तळागाळातील घटकाला न्याय मिळाल्याचे मान्यवरांनी नमूद केले.
या नियुक्तीबद्दल राष्ट्रीय अध्यक्ष जयदत्त क्षीरसागर, प्रदेशाध्यक्ष विजय चौधरी, विक्रांत चांदवडकर, प्रियाताई महिंद्रे, धरणगावचे माजी नगराध्यक्ष सुरेश नाना चौधरी, श्यामकांत ईशी यांच्यासह समाजातील अनेक मान्यवरांनी प्रशांत सुरळकर यांचे अभिनंदन करून पुढील वाटचालीस शुभेच्छा दिल्या आहेत.
