जळगांव – जिल्हा पोलीस प्रशासनाने आवाहन केल्यानुसार “एक कॅमेरा पोलीसांसाठी” या उपक्रमांतर्गत जळगांव शहरातील निवृत्ती नगर,मुक्ताईनगर काॅलनी परिसरातील शिवरत्न प्रतिष्ठान सामाजिक, सांस्कृतिक,बहुउद्देशिय मित्र मंडळ (वर्ष २५ वे) यांनी आयोजित केलेल्या तसेच मंडळाचे संस्थापक अध्यक्ष राहुल सुरेश पाटील यांच्या संकल्पनेतून व परिसरातील लोकसहभागातुन लोकवर्गणीतुन १० सीसीटीव्ही कॅमेराचे लोकार्पण करण्यात आले.
आमदार सुरेश दामु भोळे (राजुमामा) , DYSP संदीप गावीत साहेब, जिल्हा पेठ पोलीस स्टेशन पोलीस निरीक्षक विशाल जैस्वाल साहेब, PSI गणेश देशमुख साहेब ,सार्वजनिक गणपती उत्सव महामंडळाचे अध्यक्ष सचिनदादा नारळे व परिसरातील मोठ्या संख्येने नागरिक उपस्थित होते.
