जळगांव – जळगांव जिल्हा पोलिस दल व जळगांव जिल्हा वेल्फेअर फाउंडेशन जळगांव संचालित पोलीस स्पोर्ट्स अकॅडमी तर्फे 75 स्वातंत्र्याच्या अमृत महोत्सवानिमित्त जळगांव खुल्या निशुल्क जिल्हास्तरीय कराटे व स्केटिंगच्या स्पर्धा नुकतीच पार पडली. यात जिल्ह्यातील एकूण 200 च्या वर खेळाडूंनी सहभाग घेतला होता त्यात पोलीस स्पोर्ट्स अकॅडमीच्या खेळाडूंनी उत्कृष्ट कामगिरी नोंदवत सुवर्णपदक, रजतपदक व कांस्यपदक पटकावले.
यावेळी साहाय्यक पोलीस अधीक्षक कुमार चिंथा साहेब तसेच डेप्युटी कमिशनर ( जीएसटी ) सोपान सोलंखी , अमित माळी यांच्या हस्ते खेळाडूंना पदक व सन्मानपत्र देऊन गौरविण्यात आले. त्याच्या या यशाबद्दल पोलीस अधीक्षक प्रवीण मुंढें, चंद्रकांत गवळी अप्पर पोलीस अधीक्षक जळगाव, संदीप गावित पोलीस उप अधीक्षक( गृह ) तसेच पोलीस वेल्फेअरचे उप पोलीस निरीक्षक सुनंदा पाटील व कर्मचारी वृंद यांनी सर्व खेळाडूंचे अभिनंदन केले.
खेळाडूंच्या यशामागे पोलीस कराटे प्रशिक्षक अश्विनी निकम/ जंजाळे, पोलीस स्केटिंग प्रशिक्षक जागृती काळे/महाजन, सहाय्यक प्रशिक्षक राजेंद्र जंजाळे, प्राजक्ता सोनवणे, तुषार टाक, मयूर शिरसाठ, स्वीटी गायकवाड, दीपक शिरसाट सूर्यकांत अहिरे यांचे अनमोल असे मार्गदर्शन लाभले.
