जळगाव – शहरातील पिंप्राळा रेल्वे गेटजवळ बुधवारी रात्री अनिकेत गणेश गायकवाड (रा. राजमालती नगर, जळगाव) खून झाल्याची माहिती समोर येत असून या प्रकरणात संबंधीत तरूणाला दारू पाजून मग त्याची क्रूर हत्या करण्यात आल्याचे समोर आले आहे.
जळगाव शहरात तरुणाचा खून झाल्याचे उघडकीस आल्याने प्रचंड खळबळ उडालेली आहे. मयत तरुण अनिकेत गणेश गायकवाड (रा. राजमालती नगर, जळगाव) असल्याची माहिती मिळाली. यानुसार पोलिसांनी या तरुणाच्या कुटुंबियांना पहाटे अडीच वाजता याबाबतची माहिती दिली. मयत तरुणाच्या वडिलांनी आपल्या मुलाचे पार्थिव ओळखले. यानंतर मृतदेह जिल्हा रुग्णालयात नेण्यात आले.
