जळगाव, प्रतिनिधी – राज्यातील चित्रपटगृहं, नाट्यगृहं आणि मल्टिप्लेक्स ५० टक्के क्षमतेसह ५ नोव्हेंबर पासून सुरु होणार आहेत. कोरोना प्रतिबंधित क्षेत्राबाहेर असलेल्या सगळ्या थिएटर्सना, नाट्यगृहांना आणि मल्टिप्लेक्सना ही संमती देण्यात आली आहे.
दिवाळीच्या पार्श्वभूमीवर हा महत्वाचा निर्णय ठाकरे सरकारने घेतला आहे. दरम्यान मराठी रंगभूमीदिनी नाटय़गृहे सुरू होत असल्याबद्दल या क्षेत्रातून आनंद व्यक्त करण्यात येत आहे. कोरोना प्रतिबंधित क्षेत्र वगळता तरण तलावही उघडण्यास संमती देण्यात आली आहे. योगा इन्स्टिट्युट आणि इन डोअर स्पोर्ट्सनाही संमती देण्यात आली आहे. करोना संदर्भातले सुरक्षेचे सगळे नियम पाळणं बंधनकारक असणार आहे.
