जळगाव प्रतिनिधी । आ. मंगेश चव्हाण यांनी शिक्षण बदली प्रकरणातील कथित लाच प्रकरणात मध्यस्थी केल्याचा दावा खोटा असून आमदारांनी कोणत्याही प्रकारची मध्यस्थी केली नसल्याचा लेखी खुलासा शिक्षणाधिकारी बी. जे. पाटील यांनी केला.
कथित लाचप्रकरणाची चौकशी सुरू असून चौकशी अधिकाऱ्यांकडे लेखी स्वरूपात शिक्षणाधिकाऱ्यांनी खुलासा सादर केला. चाळीसगावचे आ. मंगेश चव्हाण यांनी शिक्षकांनी बदलीसाठी दिलेली लाच शिक्षणाधिकाऱ्यांकडून परत मिळवून दिल्याचा दावा केला होता तो खोटा आपण कोणत्याही प्रकारची लाच घेतली नसून संबंधीत शिक्षकांची बदली ही न्यायालयाच्या आदेशाने झाली आहे.
त्यातील एकाही शिक्षकाने तशी कोणाकडेही तक्रार केलेली नाही. त्यामुळे कुणी यात मध्यस्थी करण्याचा प्रश्नच नसल्याचे शिक्षणाधिकाऱ्यांनी म्हटले आहे. यापूर्वी २० ऑक्टोबर ला झालेल्या चौकशीतही त्या तीन शिक्षकांनी आमदारांशी संपर्क झाल्याचे नाकारले होते. आता त्यांच्यापाठोपाठ शिक्षणाधिकार्यांनीदेखील आ. मंगेश चव्हाण यांचा दावा नाकारला आहे. .
