रावेर, प्रतिनिधी | येथील तरुणाने नदीमध्ये उडी घेऊन आत्महत्या केल्याची घटना 17 रोजी सायंकाळच्या सुमारास घडली. याप्रकरणी रावेर पोलीस स्थानकात अकस्मात मृत्यूची नोंद करण्यात आली आहे.
शहरातील शिवाजी चौक परिसरात राहणा-या २८ वर्षीय अविवाहीत युवकाने तापी नदीत उडी घेऊन आत्महत्या केल्याची घटना आज घडली. यामुळे एकच हळहळ व्यक्त केली जात आहे. आत्महत्या का केली याचे कारण अद्याप कळु शकले नाही. रावेर शहरातील शिवाजी चौक परिसरात राहणारा योगेश प्रभाकर महाजन (वय २८) हा घरी कोणाला न सांगता दि.१७ रोजी सायंकाळी सात वाजता टिव्हीएस कंपनीची क्र. MH 19 PC 7228 गाडी घेवून निघुन गेला होता. घरी आला नाही म्हणुन त्याच्या नातलकांनी शोधाशोध घेतला असता त्याची मोटरसायकल निंभोरासिमच्या तापी नदीवर दिसली. पाण्यात योगेश याचा शोध घेतला असता त्याचा मृत्युदेह मिळून आला. याबाबतची माहिती शहरात पसरतात एकच हळहळ व्यक्त होत आहे.
