जळगाव, प्रतिनिधी । शहरातील दादावाडी परिसरातील श्रीराम नगररातील भक्तवत्सल श्रीराम मंदिर येथील मंदिराचा आज वर्धापन दिन असल्याने श्रीराम भक्तांनी व परिसरातील नागरिकांनी श्रीरामांच्या प्रतिकृतीत 1 हजार 100 दिवे लावून भक्तीमय वातावरणात वर्धापन दिन मोठ्या उत्साहात साजरा केला आहे.
यावेळी 6 हजार फुटाची श्रीरामांची प्रतिमा साकारून 1 हजार 100 शेणमातीचे दिवे, 17 किलो तेल व 21 जणांनी या प्रतिमा साकारण्यासाठी परिश्रम घेतले. ही प्रतिमा सकारण्यासाठी तब्बल 5 तास लागले. या टीमचे नेतृत्व सचिन कुलकर्णी केले तर या प्रतिमा आशिष सोनवणे व हिमांशू सोनवणे यांनी साकारली. शहरातील नागरिकांनी या दोन दिवसीय कार्यक्रम व दर्शनाचा लाभ घेण्याचे आवाहन मंडळाचे अध्यक्ष कुंदन सुर्यवंशी यांनी केले आहे.
