जळगाव प्रतिनिधी । शहरातील गोलाणी मार्केट परिसरामधून दुचाकी लांबविल्याची घटना उघडकीस आली आहे. याप्रकरणी शहर पोलीस स्थानकात अज्ञात चोरट्यांविरुद्ध गुन्हा दाखल करण्यात आला आहे.
शिरसोली येथील राहणाऱ्या सतिष गोविंदा बारी (वय-४५) हे कामानिमित्त जळगावातील गोलाणी मार्केटमध्ये दुचाकी (एमएच १९ बीव्ही ५८०७ ) ने रविवारी ५ सप्टेंबर रोजी सकाळी ९ वाजता आले. गोलाणी मार्केटजवळ त्यांनी दुचाकी पार्कींग करून लावली. काम आटोपून १० वाजता दुचाकीजवळ आले असता दुचाकी जागेवर दिसून आली नाही. परिसरात शोधाशोध करून दुचाकी मिळून आली नाही.
याप्रकरणी सतिष बारी यांनी शहर पोलीस स्थानकात तक्रार दिली. त्यांच्या तक्रारीवरून शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोना भास्कर ठाकरे करीत आहे.
