जळगाव प्रतिनिधी । शहरातील बंद घर फोडून १ लाख रुपये किमतीचे सोन्याचे दागिने लंपास केल्याची घटना घडली. याप्रकरणी एमआयडीसी पोलीस स्थानकात अज्ञात चोरट्यांविरुद्ध गुन्हा दाखल करण्यात आला आहे.
जळगाव शहरातील गायत्री नगर येथे राहणाऱ्या मिलींद मोरेश्वर खानवाले (वय-६२) हे कुटुंबियांसह घराला कुलूप लावून नातेवाईकांकडे १ मार्च ते ३ मार्च २०२१ रोजी गेले होते. ३ मार्च रोजी सायंकाळी ६ वाजता ते घरी आले असता त्यांना घराच्या दरवाजाचा कुलूप तोडलेले दिसून आले. घरात जावून पाहणी केली असता त्यांच्या घरात ठेवलेले १ लाख रूपये किंमतीचे सोन्याचे दोन तोळ्याचे मंगळसुत्र चोरून नेल्याचे उघडकीला आले. मिलींद खानवाले यांच्या फिर्यादीवरून एमआयडीसी पोलीस स्थानकात अज्ञात चोरट्यांविरूध्द गुन्हा दाखल करण्यात आला आहे. पुढील तपास पोहेकॉ नितीन पाटील करीत आहे.
