जळगाव प्रतिनिधी । जळगाव शहरातील सावखेडा शिवारातील एका घरासमोर लावलेली मोटारसायकल पेटवून दिल्याची घटना घडली. याप्रकरणी अज्ञातांविरुद्ध तालुका पोलीस स्थानकात गुन्हा दाखल करण्यात आली आहे.
जळगावापासून थोड्याच अंतरावर असलेले सावखेडा शिवारातील जिजाऊ नगरातील रहिवाशी योगेश रविंद्र कोळी (वय-३०) यांची ही मोटारसायकल आहे. योगेश कोळी हे भाजीपाला विक्री करून आपल्या कुटुंबियांचा उदरनिर्वाह करतात. भाजीपाला ने आण करण्यासाठी त्यांच्याकडे (एमएच १९ डीक्यू ७७६९) क्रमांकाची मोटारसायकल आहे. ६ जून २०२१ रोजी रात्री ८.३० वाजेच्या सुमारास मोटारसायकल पार्किंग करून लावली होती. त्यानंतर ते जेवणासाठी निघून गेले. दरम्यान, अज्ञात व्यक्तीने मोटारसायकल पेटवून दिली. हा प्रकार रात्री ११.३० वाजेच्या सुमारास उघडकीला आहे. शेजारी राहणाऱ्या रहिवाश्यांनी ही आग विझविली.
योगेश कोळी यांच्या फिर्यादीवरून जळगाव तालुका पोलीस स्थानकात अज्ञात चोरट्यांविरूध्द गुन्हा दाखल करण्यात आला आहे. पास पोना अनिल मोरे करीत आहे.
