जळगाव प्रतिनिधी । जळगावातील गोलाणी मार्केट परिसरातून एकाची दुचाकीची चोरी झाल्याची घटना घडली. याप्रकरणी अज्ञात चोरट्यांविरुद्ध शहर पोलीस स्थानकात गुन्हा दाखल करण्यात आला आहे.
शहरातील प्रिया ट्रेडिंग कंपनी, जुना मेहरूण रोड येथे राहणारा धनंजय भरत निकम (वय-२१) रा. हा तरूण २ जून रोजी दुपारी १२ वाजता दुचाकी (एमएच १९ बीके ३९१५) ने शहरातील गोलाणी मार्केट परिसरात आला. त्यावेळी दुचाकी तळमजल्यावरील गायत्री फुल भंडार येथे पार्किंगला लावली. १२.१५ वाजेच्या सुमारास काम आटोपून घरी जाण्यासाठी निघाला असता दुचाकी जागेवर दिसून आली नाही. परिसरात शोधाशोध केली परंतू कुठेही दुचाकी आढळली नाही.
धनंजय निकम यांच्या फिर्यादीवरून शहर पोलीस स्थानकात अज्ञात चोरट्यांविरूध्द गुन्हा दाखल करण्यात आला. पुढील तपास पोलीस नाईक भास्कर ठाकरे करीत आहे.
