हैदराबाद , वृत्तसंस्था । प्रख्यात तामिळी चित्रपट निर्माते बी. ए. राजू यांचे आज ह्दयविकाराने निधन झाले. ते 62 वर्षांचे होते. त्यांनी तामिळी चित्रपटसृष्टीत सिने पत्रकार म्हणून कामाला सुरवात केली. त्यानंतर ते स्वत: निर्माते बनले.
ते स्वत: सुपरहिट नावाचे एक चित्रपट मासिकही अनेक वर्षे चालवत असत. ते प्रसिद्ध फिल्म ट्रेड विश्लेषकही होते. त्यांच्या निधनाबद्दल अभिनेते चिरंजीवी यांनी शोक व्यक्त केला आहे. चित्रपट निर्माते एस. एस. राजामौली यांनीही त्यांना श्रद्धांजली वाहिली आहे. त्यांनी म्हटले आहे की, त्यांच्या अकाली निधनाचे वृत्त धक्कादायक आहे.
त्यांनी सुमारे दीड हजार चित्रपटांसाठी जनसंपर्क अधिकारी म्हणून काम केले आहे. चित्रपट पत्रकारीतेत त्यांनी आदर्श निर्माण केला आहे. त्यांच्या निधनामुळे तामिळी चित्रपटसृष्टीत जी पोकळी निर्माण झाली आहे ती भरून निघणे कठीण आहे अशा शब्दात त्यांनी राजू यांना श्रद्धांजली अर्पण केली आहे.
