जळगाव प्रतिनिधी । शहरातील तांबापूर भागात होळीच्या कार्यक्रमात गाणे वाजविण्याच्या कारणावरून डोक्यात लोखंडी रॉडने मारहाण केल्याची घटना 28 मार्च रोजी घडली. याप्रकरणी दोन जणांविरुद्ध एमआयडीसी पोलीस स्थानकात गुन्हा दाखल करण्यात आला आहे.
जळगावातील तांबापूर भागामध्ये विकास राजू गुमाने (वय-२४) हा आपल्या कुटुंबियांसह राहतात. २८ मार्च रोजी रात्री ८ वाजता घराच्या समोरील अंगणात होळीचा कार्यक्रम आयोजित करण्यात आला होता.
या कार्यक्रमात गल्लीतील तारा गब्बर गुमाने आणि अनमोल गब्बर गुमाने हे राहातात. होळीच्या कार्यक्रमात होळीची गाणे लावा या कारणावरून तारा गुमाने आणि अनमोल गुमाने यांना राग आल्याने दोघांनी शिवीगाळ व मारहाण करण्यास सुरूवात केली. तर अनमोल गुमाने याने लोखंडी रॉडने विकास गुमाने याच्या डोक्यात हाणली.
यात गंभीर दुखपत झाल्याने त्याला खासगी रूग्णालयात दाखल केले आहे. याप्रकरणी विकास गुमाने याच्या फिर्यादीवरून एमआयडीसी पोलीस ठाण्यात गुन्हा दाखल करण्यात आला आहे. पुढील तपास पोहेकॉ नितीन पाटील हे करीत आहे.
