जळगाव प्रतिनिधी । जिल्ह्यात आज ९७१ रुग्ण कोरोनाबाधीत रूग्ण आढळले असून यात ८ जणांचा मृत्यू झाला आहे.
जिल्ह्यात आज ९७१ कोरोना बाधीत आढळून आले आहेत. गेल्या अनेक दिवसांपासून सर्वाधीक रूग्ण हे जळगाव शहरातील असत. मात्र आज पहिल्यांदाच जळगाव शहरापेक्षा चोपडा तालुक्यात जास्त रूग्ण आढळले आहेत. जळगाव शहरात १९५ पेशंट आढळून आले असून चोपडा तालुक्यातील हाच आकडा २६६ इतका असल्याने आरोग्य यंत्रणा सतर्क झाल्या आहेत. तर आजच ७५२ रूग्ण बरे देखील झाले असून ८ रूग्णांचा मृत्यू झाला आहे.
उर्वरित जिल्ह्याचा विचार केला असता, जळगाव तालुका-९; भुसावळ-५२; अमळनेर-२५; पाचोरा-१६; भडगाव-२४; धरणगाव-४२; यावल-५४; एरंडोल-९६; जामनेर-४८; रावेर-३७; पारोळा-३७; चाळीसगाव-६३; मुक्ताईनगर-२; बोदवड-२; इतर जिल्ह्यातील-४ असे रूग्ण आढळून आले आहेत.
