जळगाव – कबचौ उत्तर महाराष्ट्र विद्यापिठाचे कुलगुरू डॉ पी पी पाटील यांनी राजीनामा दिल्याने आरोप प्रत्यारोप होत असताना कुलगुरूंनी अराजकीय व कठोर भूमिका घेतली असती व पारदर्शक काम केले असते तर आज ही वेळ आली नसती असा आरोप करित कुलगुरूंना कुणी छेळले त्यांची नावे त्यांनी जाहिर करावी अशी मागणी पियुष नरेंद्रअण्णा पाटील यांनी केली.
कुलगुरू पी. पी .पाटील यांनी राजीनामा द्यावा अशी मागणी आपण सुरुवातीलाच केली होती विद्यापीठात चालत असलेला अनागोंदी कारभार राजकीय व्यक्तींचा विद्यापिठात होत असलेला हस्तक्षेप यावर देखील आपण आवाज उठवला होता. कुलगुरू हे त्या ठिकाणी केवळ सयाजीराव म्हणून आपली भूमिका बजावत असल्याचे देखील आपण बोललो होतो. विद्यापीठात कुलगुरू हे कटपुतली प्रमाणे काम करत असल्याचे बोललो होतो. तसेच कुलगुरू हे कोणाच्या तरी दबावाखाली काम करत असल्याचा आरोप आपण त्यावेळी केला होता. पण कुलगुरूंनी तो फेटाळला होता.
मग आता अचानक कुलगुरू महोदय यांनी राजीनामा का दिला ? याचा खुलासा कुलगुरू पी पी पाटील यांनी आवर्जून करावा. राजीनामा देण्यासाठी त्यांच्यावर कुणाचा दबाव होता का.. .? कोणाच्या छळाला कंटाळून कुलगुरूंनी राजीनामा दिलेला आहे त्यांची नावे जाहीर करावे. असे काय घडले की इतका तडकाफडकी राजीनामा द्यावा लागला.कुलगुरूंना कोणी कोणी छळले ते नावे कुलगुरू महोदय यांनी जाहीर करावीत. अशी मागणी पियुष नरेंद्रअण्णा पाटील यांनी केली आहे.
