यावल (रविंद्र आढाळे) – तालुक्यातील परसाडे गावात एका अल्पवयीन मुलीने गळफास घेवुन आत्महत्या केल्याची घटना घडली असुन या घटनेमुळे परिसरात एकच खळबळ उडाली आहे .
परसाडे येथील अल्पवयीन मुलगी करूणा बाळासाहेब भालेराव वय१४ वर्ष इयत्ता ८ वीत शिकत होती. अल्पवयीन मुलगी राहणार परसाडे ही परसाडे येथे आपली आजी आणी वडीलांसोबत राहत होती व तिची आई ही आपल्या माहेरी राहत आहे .करूणा भालेराव रा परसाडे तालुका यावल हिने आज दिनांक १९ फेब्रुवारी रोजी सायंकाळी ५ ते ६. ३० वाजेच्या सुमारास आजीही घराबाहेर बसली असता आपल्या राहत्या घरातील छताच्या सहाय्याने गळफास घेवुन आत्महत्याचा प्रयत्न केले असता , तिला तात्काळ ग्रामस्थांच्या मदतीने यावलच्या ग्रामीण रुग्णालयात उपचारासाठी दाखल केले असता, वैद्यकीय अधिकारी डॉ. मयुर चौधरी यांनी तिला मृत घोषीत केले असुन, तिचे शवविच्छेदन डॉ . मयुर चौधरी यांनी केले असून, याबाबत अशोक शंकर भालेराव यांनी खबर दिल्याने यावल पोलीसात अकस्मात मृत्युची नोंद करण्यात आली असुन, तपास पोलीस उपनिरिक्षक विनोद खांडबहाले यांच्या मार्गदर्शनाखाली पोलीस कर्मचारी अस्लम खान हे करीत आहे . या अल्पवयीन शाळ्करी मुलीने आत्महत्याचे मार्ग का पत्कारले हे मात्र समजु शकले नाही .