यावल – किनगावजवळ आयशर वाहन उलटल्याने रावेर येथील अभोडा तालुक्यातील १५ जणांचा जागीच मृत्यू झाला असून सहा जण जखमी झाले आहेत. तर यापैकी तिघांची प्रकृती चिंताजनक आहे.
याबाबत माहिती अशी की, एमएच १९ : झेड-३५६८ या क्रमांकाच्या आयशर वाहनाने रविवारी सायंकाळी धुळे जिल्ह्यातील नेरी-कुसुंबा येथील पपई भरली. यानंतर हे वाहन रात्रीचे वेळी रावेरकडे निघाले होते. रात्री साडेबाराच्या सुमारास चालक शेख जहूर बद्रुद्दीन मोमीन यांचे वाहनावरील नियंत्रण सुटल्याने आयशर उलटली. यात १५ जणांचा जागीच मृत्यू झाला असून सहा जण जखमी झाले आहेत.तर यापैकी तिघांची प्रकृती चिंताजनक आहे.
या अपघातामध्ये शेख हुसेन शेख मुस्लीम मन्यार ( वय-३०, रा. फकीरवाडा, रावेर); सरफराज कासम तडवी (वय- ३२, रा. केर्‍हाळा, ता. रावेर); नरेंद्र वामन वाघ (वय २५, रा. अभोडा, ता. रावेर); डिगंबर माधव सपकाळे (वय ५५, रा. रावेर); दिलदार हुसेन तडवी (वय-२०, रा. अभोडा, ता. रावेर); संदीप युवराज भालेराव ( वय-२५, रा. विवरा, ता. रावेर); अशोक जगन वाघ ( वय-४०, रा. आभोडा, ता. रावेर); दुर्गाबाई संदीप भालेराव (वय-२०, रा. आभोडा); गणेश रमेश मोरे (वय-५, रा. आभोडा); शरदा रमेश मोरे (वय-१५, रा. आभोडा); सागर अशोक वाघ (वय-३, रा. आभोडा); संगीता अशोक वाघ (वय३५, रा. आभोडा); सुमनबाई शालीक इंगळे (वय-४५, रा. आभोडा); कमलाबाई रमेश मोरे (वय-४५, रा. आभोडा) आणि सबनूर हुसेन तडवी (वय-५३, रा. रावेर) यांचा जागीच मृत्यू झाला आहे. तर सहा जण जखमी झाले आहेत.
