मुंबई- मुंबई महानगरपालिका (बीएमसी) ने मुंबईमधील कोरोनाला लगाम घालण्यासाठी आणि नियमाची पायमल्ली करणाऱ्यांना धडा शिकवण्यासाठी दररोज २०००० लोकांना शिक्षा करण्याची तयारी सुरू केली आहे. पहिल्याच दिवशी केवळ ४ हजार ३०० लोकांना मास्क लावले नसल्याने पकडले आहे आणि प्रत्येकाला २०० रुपये दंड ठोठावण्यात आला. सोमवारी म्हणजे पहिल्याच दिवशी एकूण ८ लाख ६० हजार दंड आकारण्यात आला, असे पालिकेच्या एका अधिकाऱ्याने सांगितले.
एप्रिलपासून बीएमसीने एप्रिलपासून १ कोटी ५ लाख रुपयांचा दंड वसूल केला आहे. या कालावधीत एकूण ३८,८६६ लोकांना दंड ठोठावण्यात आला आहे. दंड वसूल करण्यासाठी, महापालिकेने ९८० कर्मचाऱ्यांची एक खास टीम तयार केली आहे.
पालिका आयुक्त इक्बालसिंग चहल म्हणाले की, ही मोहीम सुमारे एक महिना चालणार आहे. ते म्हणाले की ते स्वत: दररोज परिस्थितीचा आढावा घेतील. चहल म्हणाले, “एमसीजीएम अंतर्गत मोठ्या संख्येने लोक मास्क घालत नाहीत आणि यामुळे भविष्यात परिस्थिती अधिकच बिघडू शकते, ज्यामुळे मुंबई सुरू होण्यास विलंब होईल,” चहल म्हणाले.
ते म्हणाले, “एमसीजीएम दररोज सुमारे २० हजार नागरिकांना मास्क न घातल्यामुळे शिक्षा देण्यासाठी व्यापक मोहीम राबवित आहे.” २० एप्रिलपासून सार्वजनिक ठिकाणी मास्क न घालणाऱ्यांना २०० रुपये दंड ठोठावण्यात आला आहे.
राज्यात एकूण १५ लाख ३५ हजार संक्रमित रुग्ण
सोमवारी महाराष्ट्रात कोविड -१९ च्या नवीन ७,०८९ रुग्णांची नोंद झाली असून त्यानंतर संक्रमित लोकांची संख्या १५,३५,३१५ पर्यंत वाढली आहे. राज्याच्या आरोग्य विभागाने म्हटले आहे की, या संसर्गामुळे १६५ रुग्णांचा मृत्यू झाला आणि त्यानंतर मृतांची संख्या ४०,५१४ वर गेली. विभागात म्हटले आहे की, गेल्या ४८ तासात १०० लोकांचा मृत्यू झाला. त्याच वेळी, गेल्या आठवड्यात २१ लोकांचा मृत्यू झाला होता आणि उर्वरित ४४ लोक गेल्या आठवड्यापूर्वी मरण पावले.
सोमवारी दिवसभरात उपचारानंतर ५,६५६ रूग्णांना रुग्णालयातून डिस्चार्ज देण्यात आले, त्यानंतर बरे झालेल्या लोकांची संख्या १२,८१,८९६ वर गेली. राज्यात आता २,१२,४३९ रूग्णांवर उपचार सुरू आहेत.
