जळगाव प्रतिनिधी । जुन्या वादातून २२ वर्षीय तरूणावर गावातील दोन तरुणांनी चॉपर हल्ला केल्याची घटना रविवारी सायंकाळच्या सुमारास घडली. याप्रकरणी एमआयडीसी पोलीस स्थानकात गुन्हा दाखल करण्यात आला आहे.
तालुक्यातील कुसूंबा येथील दोन तरुणांना मारहाण होत असल्याने गर्दी गोळा होवुन हल्लेखोरांनी पळ काढला. जखमी संतोष सुभाष कोळी-राऊत व केदारे अशा दोघांना उपचारार्थ जिल्‍हा रुग्णालयात दाखल करण्यात आले आहे. जखमी संतोष सुभाष कोळी-राऊत(वय-२२,रा. कुसूंबा आयटीआय जवळ) हा त्याचा मित्र सागर केदारेला घेवून दुचाकीने जात असतांना. सुमेरसींग ढाब्याच्या मागील रेडवर राहुल मराठे व निलेश ऊर्फ बाबा अशांनी वाहन अडवले.
मागील भांडणाच्या वेळेस संतोष कोळीने दिलेली तक्रार मागे घ्यावी यासाठी शिवीगाळ करुन गाडीवरुन खाली पाडत बेदम मारहाण केली. राहुल मराठेने त्याच्या कंबरेतून धारदार चॉपर काढून पाठीमागून कंबरेत चॉपरने वार केला. रस्तस्त्राव होत असल्याने परिसरातील रहिवाश्यांनी मदतीला धाव घेतल्याने दोघा भामट्यांनी धुम ठोकली. जखमीला जिल्‍हा रुग्णालयात दाखल केल्यावर याप्रकरणी प्राणघातक हल्ला चढवल्याप्रकरणी एमआयडीसी पोलीस स्थानकात गुन्हा दाखल करण्यात आला आहे. तपास सहाय्यक निरीक्षक अमोल मोरे करीत आहेत.
