चोपडा, प्रतिनिधी । शिष्याची आपल्या गुरूवर नितांत निष्ठा असावी असे आवाहन हभप गजानन महाराज चौगावकर यांनी कीर्तनात केले. श्रीराम नगर चोपडा येथे आयोजित कीर्तन सप्ताहात कीर्तनात ते बोलत होते.
हभप गजानन महाराज यांनी ज्ञानोबा माऊली- निवृत्तीनाथ ,गोरक्षनाथ-मच्छिन्नद्रनाथ, स्वामी विवेकानंद-रामकृष्ण परमहंस आणि जगद्गुरू तुकोबाराय-निळोबाराय या गुरू शिष्याच्या जोडीचे उदाहरण देऊन शिष्याचे गुरुवरील निष्ठेचे महत्व कीर्तनद्वारे विशद केले.
याप्रसंगी के. डी. चौधरी यांनी स्वागत केले. कार्यक्रमला जिल्हा कॉंग्रेस अध्यक्ष अॅड. संदीप पाटील, आदित्य पाटील यांनी पूर्ण वेळ कथेचा लाभ घेतला. त्यांचा सत्कार करण्यात आला. हभप अशोक महाराज बापू महाराज, गोपीचंद महाराज, मोतीराळे सर, बागुल महाराज, शुभम महाराज सह असंख्य श्रोते उपस्थित उपस्थित होते.
