शिरपूर – जळगाव येथील राजनंदिनी बहुउद्देशिय संस्थेतर्फे अहिराणी कवयित्री माया प्रदीप साळुंखे (रा.भटाणे) शिरपूर यांना नारीरत्न पुरस्कार जाहीर झाला. या पुरस्काराचे वितरण लवकरच करण्यात येईल, असे संस्थेच्या अध्यक्षा संदिपा वाघ यांनी सांगितले.
माया साळुंखे यांनी अहिराणी कविता, साहित्यामध्ये त्याच्या खास शैलीचा एक स्वतंत्र ठसा उमटवला आहे. त्या शेतकऱ्यांचे प्रश्न, स्रीयांवरील अत्याचार, स्रीभ्रुण हत्या, हुंडाबळी आदी विषयांवरील कवितांच्या माध्यमातून जनजाग्रुती करीत आहेत. जागतिक महामारी कोरोनाच्या कालावधीत रचलेल्या कवितांमधून देखील जनजाग्रुतीवर भर दिलेला आहे. त्यांची कोरोनावरील कविता सोशल मीडियावर चांगलीच गाजली. त्यांनी राज्यस्तरिय ग्रामीण अहिराणी साहित्य संमेलन पिंगळवाडे, तिसरे अहिराणी साहित्य संमेलन बहादरपूर, खान्देशी विश्वकर्मीय बहुभाषिक कविसंमेलनात सहभाग घेवून नावलौकीक प्राप्त केला. तसेच त्यांचा नाशिक येथील अहिराणी कविसंमेलनातही गौरव झाला आहे. या साहित्यिक, सामाजिक कार्याची दखल घेवून त्यांना राजनंदिनी बहुउद्देशिय संस्थेचे अध्यक्षा सौ संदीपा वाघ.कुणबी मराठा वधूवर ग्रुप गौरी उद्योग समूहा चे संस्थापक अध्यक्ष बापुसाहेब सुमित पाटील सर यांनी नारीरत्न पुरस्कार जाहीर केला आहे
