भुसावळ- खडका रोड फिरदोस दुध डेअरी समोरील एका पान टपरीत तंबाखूजन्य पदार्थ विक्री करणाऱ्या दोघांना बाजारपेठ पोलिसांनी अटक करून गुन्हा दाखल केला आहे.
शहरातील खडका रोड फिरदोस दुध डेअरी समोरील एक पान टपरीमधील दोन व्यक्ती हे विमल गुटखा पान मसाला व तंबाखुची चोरटी विक्री होत असल्याची माहिती सोमवार २१ डिसेंबर रोजी बाजारपेठ ठाण्याचे पोलीस निरीक्षक दिलीप भागवत यांना मिळाली होती. या मिळालेल्या माहितीनुसार सपोनि मंगेश गोंटला व गुन्हे शोध पथकाने घटनास्थळी भेट दिली असता टपरीत गुटखा व सुगंधी पान मसालासह टपरी मालक तौफिक खान लूकमान खान (वय ३१ वर्षे, धंदा- मजुरी,रा.खडका रोड,लाल बिल्डीग जवळ,भुसावळ) व शेख शोएब शेख मनु (वय २८ वर्षे, धंदा मजुरी,रा.खडका रोड, लाल बिल्डीग जवळ, भुसावळ) हे आढळून आलेत.
या दोघांना पोलीस पथकाने ताब्यात घेत टपरीची तपासणी केली असता ४ हजार ३५६ रुपये किंमतीचा केशरयुक्त विमल पान मसाल्याचे २२ पाकिटे ९६८ रुपये किंमतीचा व्ही-१ सुगंधीत तंबाखुचें ४४ पाकिटे टपरीत गुटखा व सुगंधी पान मसाला मिळून आला. दोघांविरोधात पोकॉ ईश्वर भालेराव यांनी दिलेल्या फिर्यादीवरून बाजारपेठ पोलिसात गुन्हा दाखल करण्यात आला आहे. पुढील तपास सपोनि मंगेश गोंटला करीत आहे. ही कारवाई स.पो.नि मंगेश गोंटला,पो.शि. विकास सातदिवे,पो.शि. चेतन ढाकणे,पो.शि.प्रशांत परदेशी यांच्या पथकाने केली.