जळगाव, – गोलाणी मार्केटच्या तळमजल्यावर साचणाऱ्या सांडपाण्याची समस्या दूर झाल्याने त्या साचलेल्या सांडपाण्यात ढोलच्या निनादात कागदी नाव व मासे सोडून शिवसेना महानगर व गाळेधारकांकडून आंदोलन करण्यात आले.
गोलाणी मार्केटच्या तळमजल्यावर साडपाण्याची समस्या तसेच त्यापासून होणारी दुर्गंधीमुळे नागरिकांचे आरोग्य धोक्यात आले आहे. महापालिका प्रशासन व सत्ताधारी याकडे जाणीवपूर्वक दुर्लक्ष करत असल्याचा आरोप यावेळी करण्यात आला. तसेच महापालिकेकडे वारंवार तक्रारी देऊन ही अधिकारी कर्मचारी लक्ष देत नसल्याचे नगरसेवक विष्णू भंगाळे यांनी सांगितले.
तसेच मागील अनेक वर्षांपासून सांडपाणी साचण्याची समस्या असून उपमहापौर सुनील खडके हे पाहणी दौऱ्यावर असतांना त्यांना याबाबत मंगला बारी यांनी अवगत करून दिले होते. गोलाणी मार्केटच्या पाईप लाईनमध्ये वारंवार घाण पाणी अडकत असते, ती फार जुनी झाली असून ती काढून तेथे नवीन पाईपलाईन बसविण्यात यावी अशी मागणी विष्णूभंगाळे यांनी केली. याप्रसंगी शिवसेना महानगरप्रमुख शरद तायडे, विरोधी पक्षनेते सुनील महाजन, मंगला बारी, पूनम राजपूत, प्रशांत सुरळकर आदी उपस्थित होते.
सांडपाण्यात सोडल्या आमदारांसह पदाधिकारी यांच्या नावाची कागदी बोट
सांडपाण्यात आमदार, महापौर, उपमहापौर, स्थायी समिती सभापती, आयुक्त, उपायुक्त यांचे नाव असलेल्या कागदी बोटी सोडण्यात आल्या. यासोबत मासे सोडून दिवे पेटवून व फुले वाहण्यात आले.
