जळगाव प्रतिनिधी । जळगावातील जिल्हा न्यायालयापासून गोविंदा रिक्षा स्टॉप परिसरातून तीसऱ्या मजल्यावर असलेले मॅक्स लाईफ इन्शुरन्स कंपनीतील सुरक्षारक्षकाची दुचाकी चोरट्यांनी लंपास केल्याची घटना आज घडली. शहर पोलीस पोलीस स्थानकातुन अज्ञात चोरट्यांविरुद्ध गुन्हा दाखल करण्यात आला आहे.
सदरील ही घटना काल ३० नोव्हेंबर रोजी सकाळच्या सुमारास ९ ते सायंकाळी ६ वाजेच्या वेळेत घडली. राजेश भगवान मिसाळकर (पाटील, वय ३३, रा. शिव कॉलनी) या सुरक्षारक्षकाची दुचाकी (एमएच १९ बीबी १८८०) चोरट्यांनी लांबवली आहे. मिसाळकर हे नेहमीप्रमाणे ३० तारखेला ड्यटीवर आले होते. यावेळी त्यांनी पटेल प्लाझाच्या समोर पार्कींमध्ये दुचाकी उभी केली होती. सायंकाळी सहा वाजता ते कामानिमित्त खाली आल्यानंतर त्यांना दुचाकी मिळुन आली नाही. या प्रकरणी मिसाळकर यांनी दिलेल्या फिर्यादीवरुन शहर पोलिस स्थानकात गुन्हा दाखल करण्यात आला.
