जळगाव – चाळीसगाव शहरातील रेल्वे स्टेशनला लागून असलेल्या परिसरात मध्यरात्री जुन्या वादातून गोळीबार झाल्याची खळबळजनक घटना घडली. या घटनेत रोहिदास कोळी (रा. चाळीसगाव) हा तरुण जखमी झाला असून त्याच्यावर चाळीसगाव ग्रामीण रुग्णालयात उपचार सुरू आहेत.
प्राथमिक माहितीनुसार, जुन्या वादातून अज्ञात व्यक्तीने रोहिदास कोळी याच्यावर सलग दोन राऊंड फायर केले. गोळीबाराचा आवाज होताच परिसरात एकच खळबळ उडाली. नागरिकांनी तात्काळ जखमी तरुणाला रुग्णालयात दाखल केले.
घटनेची माहिती मिळताच चाळीसगाव पोलीस तातडीने घटनास्थळी दाखल झाले. फॉरेन्सिक पथकाकडून घटनास्थळाची पाहणी करून पुरावे गोळा करण्यात करण्यात आले असून गोळीबार करणाऱ्या आरोपीचा शोध घेण्यासाठी परिसरातील सीसीटीव्ही फुटेज तपासण्यात आले.
