जळगाव – जळगाव शहरातील आमदार राजूमामा भोळे यांच्यातर्फे उद्या दिनांक 18 ऑगस्ट पासून सागर पार्क येथे आमदार संस्कृती महोत्सवाचे आयोजन करण्यात आले असून ढोल ताशा व लेझीम पथक स्पर्धेने प्रारंभ होत आहे असून ही स्पर्धा भव्य दिव्य स्वरूपात घेण्यात येत आहेत.
दरम्यान 22 ऑगस्ट ते 25 ऑगस्ट रोजी पाककला, रांगोळी, मेहंदी, चित्रकला, भजन मंगळागौर समूहगीत, समूह नृत्य, बालनाट्य, साडी वेशभूषा यांसारख्या विविध स्पर्धांचे आयोजन या महोत्सवात करण्यात आलेले आहे. सदर स्पर्धा या छत्रपती संभाजी राजे नाट्यगृह येथे संपन्न होत असून सर्वांनी या महोत्सवात आपली उपस्थिती नोंदवावी असे आवाहन आमदार संस्कृती महोत्सवातर्फे करण्यात आले आहेत.
