पाचोरा – पाचोरा येथे ‘शासन आपल्या दारी’ कार्यक्रम 9 सप्टेंबर ला आयोजित करण्यात आले होते मात्र आता या तारखेला मुख्यमंत्री दिल्ली येथे कार्यक्रमासाठी जाणार असल्याने पाचोरा शासन आपल्या दारी कार्यक्रम 12 सप्टेंबर ला होणार असल्याची माहिती आमदार किशोर पाटील यांचा मार्फत देण्यात आली आहे.
मुख्यमंत्री एकनाथराव शिंदे,उपमुख्यमंत्री देवेंद्र फडणवीस व अजित पवार यांच्या कार्यव्यस्ततेमुळे जळगाव जिल्ह्यातील पहिला तालुकास्तरीय ‘शासन आपल्या दारी’ या उपक्रमासाठी होणारा दि.२६ ऑगस्ट रोजीचा पाचोरा दौरा स्थगित झाला होता त्यानंतर हा दौरा ९ सप्टेंबर रोजी होईल असे सांगत आ.किशोर पाटील यांनी पत्रकार परिषदेत जाहीर केले होते. मात्र त्यात पुन्हा एकदा बदल झाला असून आता हा दौरा १२ सप्टेंबर रोजी होणार असल्याची माहिती आ.किशोर पाटील यांनी दिली आहे.
पाचोरा-भडगाव तालूकास्तरीय ‘शासन आपल्या दारी’ या उपक्रमासाठी ना. शिंदे यांचे सह या कार्यक्रमाला उपमुख्यमंत्री ना.देवेंद्र फडणवीस, दुसरे उपमुख्यमंत्री अजित पवार, उद्योग मंत्री उदय सामंत,पालकमंत्री गुलाबराव पाटील, गिरीश महाजन, अनिल पाटील, अब्दुल सत्तार, दादा भुसे, डॉ तानाजी सावंत यांच्यासह संपुर्ण मंत्रिमंडळातील सहकारी मंत्री यांची उपास्थिती लाभणार आहे.
