मेष:- वाहन चालवतांना सावधानी ठेऊन चालवावी. मोठ्याच्या मर्जीने चालवावं. कोणत्याही गोष्टी करतांना आपल्या कुटूंबाचे मार्गदर्शन घ्यावे. मित्राकडून फायदा होणार.
वृषभ:- क्षुल्लक कारणावरून होणारे मतभेद टाळावेत. उष्णतेचा त्रास जाणवेल. मौल्यवान वस्तू खरेदी कराल. घरातील कामात वेळ जाईल.
मिथुन:- मनातील गैरसमज बाजूला ठेवावेत. विचारांची दिशा बदलून पहावी.तुमचे संपर्क क्षेत्र वाढेल. नातेवाईकांशी सलोखा ठेवावा.
कर्क:- कामातील अडचणी दूर करण्याचा प्रयत्न करावा. हातातील कामात यश येईल.जोडीदाराच्या आरोग्याची काळजी घ्यावी. मनातील अनामिक भीती बाजूला ठेवावी.
सिंह:- उगाचच कोणाशीही वादात अडकू नका. खेळात अधिक वेळ घालवाल. मुलांचे मत जाणून घेण्याचा प्रयत्न करावा. क्षुल्लक गोष्टी नजरेआड कराव्यात. भागीदारीचा लाभ उठवावा. पोटाची काळजी घ्यावी लागेल.
कन्या:- कौटुंबिक कामात गुंतून राहाल. उत्तम वाहन सौख्य लाभेल. जमिनीच्या कामात अधिक लक्ष घालावे. नवीन वाहन खरेदीचा विचार मनात डोकावून जाईल. जोडीदाराची उत्तम साथ राहील.
तूळ:- जवळचा प्रवास करावा लागेल. कामाच्या ठिकाणी मान वाढेल. हातातील अधिकार योग्य वेळी वापरावेत. हितशत्रूंचा त्रास कमी होईल. कामाचे समाधान लाभेल.
वृश्चिक:- मत्सराला बळी पडू नका. कौटुंबिक खर्च वाढू शकतो. फसवणुकीपासून सावध राहावे. कामाची व्याप्ती वाढवता येईल. बोलतांना भान राखावे.
धनू:- तुमची छाप पाडण्याचा प्रयत्न कराल. क्षुल्लक गोष्टीवरून चिडचिड करू नका. कौटुंबिक काळजी सतावत राहील. डोकेदुखीचा त्रास जाणवेल. कामाच्या ठिकाणी सतर्क राहावे.
मकर:- शांत व संयमी भूमिका घ्याल. जबाबदारी ओळखून वागावे. नवीन साहित्य वाचनात येईल. जमिनीच्या व्यवहारातून लाभ होईल. जवळचा प्रवास मजेत पार पडेल.
कुंभ:- कामाचा ताण राहील. गप्पांची हौस पूर्ण करता येईल. चौकसपणा दाखवावा लागेल. आपले विचार उत्तमरीत्या मांडण्याचा प्रयत्न करावा. हट्टीपणा दूर सारावा लागेल.
मीन:- झोपेची तक्रार जाणवेल. खोट्या गोष्टींचा आधार घेऊ नका. कागदपत्रे नीट तपासून पहावीत. प्रलोभनापासून दूर राहावे. जामीनकीच्या व्यवहारात सावधानता बाळगावी.
