नवी दिल्ली : पेट्रोल आणि डिझेलच्या वाढलेल्या किमतीत दिवाळीच्या तोंडावर काहीसा दिलासा मिळण्याची शक्यता आहे.
आंतरराष्ट्रीय बाजारपेठेत कच्च्या तेलाच्या किमती पडल्यानंतर त्याचा लाभ ग्राहकांना देण्याची तयारी सार्वजनिक तेल वितरक कंपन्यांनी केली आहे.
पेट्रोल आणि डिझेलच्या किमतीचा आठवडाभरात आढावा घेऊन शक्य तेवढी दरकपात केली जाऊ शकते, असे कंपन्यांच्या सूत्रांनी सांगितले.
पेट्रोलच्या किमती ४३ दिवसांपासून स्थिर आहेत. तर, डिझेलच्या किमतीमध्ये २ ऑक्टोबर-पासून बदल झालेला नाही.
