जळगाव, प्रतिनिधी । शहरातील छत्रपती शिवाजी नगरातील स्मशानभुमिजवळ धावत्या रेल्वेचा धक्का लागुन श्रीकृष्ण नगरातील तरूणाचा जागीच मृत्यू झाल्याची घटना आज सकाळच्या सुमारास उघडकीस आली. या प्रकरणी जळगाव रेल्वे पोलीसात अकस्मात मृत्यूची नोंद करण्यात आली आहे.
अधिक असे की, शहरातील श्रीकृष्ण नगरात सागर अरूण सरोदे वय 30, हा आपल्या आई वडील व मोठ्या भावासह वास्तव्यास आहे. दोन्ही भाऊ शहरातील महात्मा गांधी मार्केट परीसरात भाजीपाला विक्री करून आपल्या कु टुंबाचा उदरनिर्वाह करतात. सागर सरोदे हा आज पहाटेच्या सुमारास घरात काही न सांगता निघुन गेला होता. सकाळी साडेआठ वाजेच्या सुमारास शिवाजी नगरातील रेल्वे रूळाजवळ धावत्या रेल्वेचा जवळ धक्का लागुन तो गंभीर जखमी झाल्ाा यात त्याचा जागीच मृत्यू झाला. मृतदेहाचा पंचनामा करते वेळी खिशातील कागदपत्रांच्या आधारे सागरची ओळख रेल्वे पोलीसांकडून पटविण्यात आली. त्यानंतर सागरचा मृत्ादेह शवविच्छेदनासाठी जिल्हा सामान्य रूग्णालयात आणण्यात आला.
सागरचा मृतदेह सामान्य रूग्णालात आणल्यानंतर घटनेची माहिती सरोदे कुटुंबीयांना देण्यात आली. त्यानंतर मयताच्या नातेवाईकांनी रूग्णालयात धाव घेत आक्रोश केला. यावेळी सागरची मित्र मंडळींनी मोठ्या प्रमाणावर गर्दी केली होती. याबाबत जळगाव रेल्वे पोलीस स्थानकात अकस्मात मृत्यूची नोंद करण्यात आली असून पोहेकाँ.रामराव इंगळे व पो.कांॅ.किशोर पाटील करीत आहेत.
मयत सागर सरोदे याच्या पश्चात वडील अरूण सरोदे, आई उषाबाई सरोदे, मोठा भाऊ हर्षल सरोदे, एक विवाहीत बहिण असा परीवार आहे.
