जळगाव प्रतिनिधी । शहरातील एकाला आज बेकायदेशीररित्या हातात तलवार घेऊन फिरणाऱ्या तरूणाला शनिपेठ पोलीस स्थानकातील कर्मचाऱ्यांनी अटक केली असल्याची घटना घडली आहे. याबाबत त्याच्याकडे असलेली तलवार हस्तगत करण्यात आली आहे. याप्रकरणी त्याच्यावर गुन्हा दाखल करण्यात आला आहे.
जळगाव शहरातील चौगुले प्लॉट परिसरात संशयित आरोपी पंकज भानुदास चौधरी (वय-२४) हा हातात तलवार घेऊन फिरत असल्याची गोपनिय माहिती शनीपेठ पोलीस ठाण्याचे पोलीस निरीक्षक बळीराम हिरे यांना मिळाली. त्यानुसार पोलीस कॉन्स्टेबल राहुल घेटे, पोलीस नाईक बाविस्कर, पोलीस नाईक कांबळे, पो.कॉ. मुकुंद गंगावणे, राहुल पाटील यांनी रात्री ९ वाजता कारवाई करत संशयित आरोपी पंकज चौधरी याला अटक केली.
त्याच्या ताब्यात असलेली धारदार तलवार हस्तगत केली आहे. याप्रकरणी पोलीस कॉन्स्टेबल राहुल घेटे यांच्या फिर्यादीवरून शनिपेठ पोलिस स्थानकात गुन्हा दाखल करण्यात आला आहे.
