जळगाव (प्रतिनिधी) : शहरातील व्यावसायिक तथा सामाजिक कार्यकर्ते सचिन नारळे यांचा चिरंजीव शौनक नारळे याच्या म्युझिक अल्बमचे पुण्यातील Dawn Studio येथे संपन्न झाले. यावेळी पंडित राहूल देशपांडे यांनी स्टुडिओला भेट देत शौनकला आशीर्वाद दिले आहेत.
या म्युझिक अल्बमचे लेखन व संगीत ही दुहेरी बाजू शौनकने सांभाळली आहे. यापुर्वी त्याचा श्री गणेश रॅप बर्याच लोकांनी पसंत केला होता. शौनक हा सर परशूरामभाऊ कॉलेज (एस.पी.कॉलेज) पुणे येथील फाइन आर्टचा विद्यार्थी असून, बीएच्या दुसर्या वर्षाला आहे.
पंडित राहुल देशपांडे यांच्या उपस्थितीने शौनकला खूपच आनंद झाला असून, त्याच्या भावी वाटचालीसाठी त्यांचे आशीर्वाद लाभले ही मोठी गोष्ट आहे. शौनकच्या यशाबद्दल जळगावातील सोशल मिडीयासह विविध व्हॉटसॲप ग्रुपवर त्याचे व त्याचे पालक सचिन नारळे व अपूर्वा नारळे यांचे अभिनंदन करण्यात येत आहे.
