जळगाव – शिरसोली येथील इंदिरा नगरातील एका ६० वर्षीय वृद्धाने राहत्या घरी गळफास घेऊन आत्महत्या केल्याची घटना आज दुपारी १२ वाजता घडली.
शिरसोली प्र. न. येथील इंदिरा नगरातील रहिवासी दत्तू भानूदास मराठे याने त्याच्या राहत्या घरी वरच्या मजल्यावर गळफास घेऊन आत्महत्या केली. मात्र आत्महत्येचे कारण अद्याप स्पष्ट झाले नाही. त्यांचा मृतदेह जळगाव येथे शासकीय महाविद्यालयात शवविच्छेदनसाठी आणण्यात आले आहे.
दत्तू मराठे यांच्या पश्चात पत्नी,तीन मुले ,एक मुलगी असा परिवार आहे. या प्रकरणी शिरसोली प्र. न. येथील पोलीस पाटील श्रीकृष्ण बारी यांनी एमआयडीसी पोलिसांना माहिती दिल्यानंतर पोलिसांकडून अकस्मात मृत्यूची नोंद करण्यात आली आहे.
